DÍA DO LIBRO 23 ABRIL

HISTORIA DO LIBRO

CELEBRACIÓN DO DÍA DO LIBRO E AS LETRAS GALEGAS EN PECALAMA

   

AS CHEF DE TORDOIA

CONCOURS DE CUISINE fRANCOPHONE

Con data do luns 13 de abril, acudimos a Ordes, ó IES Nº1, para participar no “Premier Concours de Cuisine Francophone” organizado polo Département de Français  daquel instituto. Alí aproveitamos tamén para visitar unha preciosa exposición sobre Le Petit Prince, na que había documentos moi curiosos en torno á obra de Saint-Exupéry e nomeadamente vinteseis versións da obra noutras tantas linguas distintas!!!

Fomos Nerea Castro, Alba Mallo, Sheila Parafita, e a nosa profe de Français, Ilda Lortes. Había moito ambiente, moita xente no público e moitos nervios entre as participantes!!!!

Presentáronse 14 receitas moi lucidas, aínda que xa sabedes cal era a mellor, e non…??? Nós presentamos un prato ben elaborado que nos deu ben que facer…: Hachis Parmentier.

O xurado estaba composto por catro persoas: a Consulesa Honoraria de Francia da Coruña, unha cociñeira do Restaurante Nogallás de Ordes, unha profesora de Français do IES Rosalía de Castro de Santiago, e o xefe de estudos do IES Nº1 de Ordes.

Despois de visionar e cualificar os catorce videos onde as participantes explicaban a receita e a elaboración da mesma, o xurado procedeu a catar os pratos presentados e a puntualos. De seguido, reuníronse para deliberar, e finalmente emitiuse o veredicto…

Desta volta non houbo sorte, pero aínda así quedamos contentas da nosa andaina culinaria e tamén pola nosa compañeira Andrea Lamas, ex-alumna do noso centro e actualmente alumna de 2º Bach do IES Nº1 de Ordes. Ela gañou o  premio correspondente ó nivel de Bacharelato cunha receita de Macarons. Noraboa Andrea!

Foi unha experiencia divertida que repetiremos de seguro noutras ocasións, e mesmo axudaremos a colocar as mesas, como fixemos onte.

ALLEZ, LES FILLES!!! COURAGE!!! LE PROCHAIN CONCOURS SERA À NOUS!!!!

DÍA DE XOGOS

rosalia casas de SlidelyGallery by Slidely Photo Gallery

Visita de Fina Casalderrey

Fina Casalderrey

           "Son escritora non porque escriba, senón porque me ledes"

O 27 de marzo tivemos a visita da autora de Dúas bágoas por Máquina e O misterio dos fillos de Lúa entre outros moitos libros.

Foi unha charla moi amena e divertida, pasounos o tempo voando escoitando as súas historias. O primeiro que nos preguntou foi: Que é ser un escritor? E contestounos que escritor pode ser calquera, calquera de nós pode contar historias, pero o importante é que haxa alguén que nos escoite ou que nos lea. Deunos as grazas por ler e por ler os seus libros. Contestou todas as nosas preguntas e rematou a charla cunha pequena historia: "Eu son eu", moi graciosa pero tamén moi emotiva porque a protagonista é unha avoa que vai perdendo a memoria.

Despois fixemos unha fila para que nos firmara o libro e agora temos un libro dedicado pola autora.

O CÓMIC DE TOMÁS

Tomás Guerrero, ilustrador e animador, presenta nestes días A deserción de Stalin, o seu divertido debut no mundo da novela gráfica, estrea coa que a editora coruñesa estende o seu catálogo de autores e xéneros, xa que estamos ante unha historia de espías nos comezos da Guerra Fría, un relato de segredos e intrigas a través da lente do humor e a retranca.


http://komic.es/gl/lecturas/502-a-desercion-de-stalin-tomas-guerrero-demo-editorial.html

Os oleiros de Buño visitan o C.P.I Pecalama

O martes 10 de febreiro estiveron no noso colexio uns oleiros de Buño. Todos os alumnos do centro tivemos a oportunidade de ver e probar como se traballa o barro no torno, dándolle diferentes formas ata obter cuncas, petos, xerras, ...

  Foi sorprendente ver o que empregaban para rematar as figuras: fío, plumas de galiña, cristal, anacos de canaveira e pintura tamén feita de barro. Ademais cada alumno e alumna fixemos as nosas propias figuras con moldes de xeso.

Foi unha estupenda experiencia da que todos disfrutamos e aprendemos.

Dende aquí queremos dar as grazas aos dous oleiros que viñeron e que amablemente nos amosaron a súa arte no traballo do barro.

Os alumnos e alumnas de 6º de Primaria

Xéneros e Figuras literarias

Xéneros e Figuras literarias

O conxunto de obras que comparten con outras unhas características formais e temáticas forman un xénero literario. Os tres grandes xéneros son a poesía ou lírica, a narrativa e o teatro.

A poesía: é un xénero escrito normalmente en verso e que ten ritmo. A poesía pode expresar a visión persoal do mundo do poeta, aínda que na poesía popular adóitanse amosar os valores dunha comunidade. Na poesía existe unha grande variedade de formas como:

• A cantiga: composición que estaba destinada ó canto
• O epigrama: composición breve de carácter festivo.
• O himno: composición cunha finalidade patriótica ou de celebración.
• A elexía: composición na que se chora a morte de alguén ou outra desgraza colectiva.
• A égloga: composición protagonizada por uns pastores idealizados.
• A oda: Era unha composición de exaltación que adoitaba usar unha linguaxe elevada.

A narrativa: son o conxunto de obras onde o autor narra uns feitos reais ou inventados e faino en prosa. A narrativa de ficción divídese en novela e conto.

• O conto: será unha narración breve que conta un acontecemento que normalmente sucede a uns personaxes moi determinados nun tempo e nun espazo moi concretos.

• A novela: é unha narración máis longa onde se narran distintos feitos que suceden a varios personaxes que son tratados con máis detemento. Estas historias poden acontecer en distintos lugares e poden ocupar máis tempo. Entre as novelas máis importantes da nosa literatura están as de Otero Pedrayo
  

  http://www.arrakis.es/~trasalba/default.htm

   

O teatro

Son o conxunto de obras pensadas para seren representadas diante do espectador. Os personaxes falan, e mediante os seu diálogos nós coñecemos a historia. Os diálogos do teatro poden estar escritos en verso ou prosa. Houbo momento nos que predominou o verso pero hoxe faino a prosa. As formais teatrais principais son:

• A traxedia: Os personaxes son importantes e sufrirán un final terrible. Chegan a este remate por culpa duns sentimentos incontrolables.
• A comedia: Os personaxes son normais e rematarán cun final feliz. Representan conflictos normais, vistos ás veces como complicacións que xorden por mor de equívocos.
• O drama: Os personaxes son xentes normais que sofren un problema serio. O final non está predeterminado.

Probablemente a obra de teatro máis coñecida da nosa literatura sexa Os vellos non deben de namorarse, de Castelao.

www.museocastelao.org

As figuras literarias e os recursos estilísticos